The power of women
Kabhi hai hum pyari si beti kisi ki,
Kabhi sarvgun sampan bahu kisi ki,
To kabhi hai hum maa veer saputon ki,
Hum me hai rang pani ka,sabko apne me samane ka,
Kho kar apna wazood,junun dusron ko khushi dilane ka,
Alochanaon ka vish pe kar bhi,sada muskurati rehti hai,
Kitni bhi ho kathinai aurat sab sehti hai.
Chand per pahunchne se pehle bhi uski pooja karti hai
Pariksha ho agar bachoon ki to maa sari rat jagti hai,
Pati ke maa-pita ko apne maa-pita sa darja deti hai,
Ghar aur dafter dono ke kam s-kushal karti hai,
Itni khubi hone par bhi,
Mol nahi uski bhawnao ka,
Kabhi cheer-haran to kabhi apaharn uski samvednaon ka,
Fir bhi has kar diya praman apni kori chavi ka,
Dharti maa ki laj bachane kandhe-se-kandha mila kar ladi
Aur desh ki prgati ke liye isne bhi ki hai mehnat badi,
Aaj duniya kitni aage nikal gayi,
Fir bhi samaj ki oochi prakrati ni gayi,
Daman maila hota hai sirf nari ka,
Kya koi ilaj nahi is bimari ka?
Dekho apne haq ke liye fir ladna pad raha hai,
Desh to azad ho gaya par swayam ke tanasahon se jujhna pad raha hai,
Nahi aage badhne deti bediya samaj ke pujarion ki
Hum me bhi hai takat bedion ko pighlane ki,
Mod kar use chudi-kangan banane ki,
Aur fir azad hokar jhoom kar nachne gane ki,
By MERINA TELARE
No comments:
Post a Comment